Ni: Nora V. Calderon
NAG-CELEBRATE ng kanyang birthday si Janine Gutierrez last October 2. May taping siya ng action-drama-fantasy series nila ni Alden Richards na Victor Magtanggol last Monday, October 1. Maaga siyang na-pack-up kaya mas maaga siyang nakauwi. Nagulat siya nang pagdating sa kanyang condominium unit, may surprise palang birthday salubong sa kanya ang mga kapatid na sina Jessica, Diego, Maxine at siyempre ang kanyang mommy, si Lotlot de Leon.
Pero may special guest na sumalubong din sa birthday ni Janine, ang nali-link sa kanyang si Rayver Cruz. Naku, wala pa rin daw pag-amin ang dalawa sabi ng katotong Rommel Gonzales na malapit sa pamilya Gutierrez.
Basta special at closed friends daw lamang silang dalawa. At least ngayon ay nakikita nang may picture silang magkasama hindi tulad noon na laging wala kang makikitang post sa Instagram kahit alam naman na magkasama sila sa ilang okasyon. Kaya lamang malabong matupad ang wish ng mga fans nilang dalawa, dahil si Janine ay may Victor Magtanggol na napapanood gabi-gabi pagkatapos ng 24 Oras.
Si Rayver naman, in three weeks time, mapapanood na nga sa afternoon prime drama na Asawa Ko, Karibal Ko pagkatapos ng Ika-5 Utos.
